14-Sep-2022 مزاحیہ غزل
ڈیزل کے ریٹ روز بڑھاؤں گا روک لو
ڈالر کو سو روپے کا بناؤں گا روک لو
امبانیوں کو ٹھیکے دلاؤں گا روک لو
سارے فراڈیوں کو بھگاؤں گا روک لو
بھیجوں گا پندرہ لاکھ تمہیں یو پی آئی سے
جملوں سے بے وقوف بناؤں گا روک لو
اپنی تو راج نیتی ہے بس توڑ پھوڑ کی
ہندو کو مسلماں سے لڑاؤں گا روک لو
آگے نہ بڑھنے دونگا میں یو پی بہار کو
گجراتیوں کو آگے بڑھاؤں گا روک لو
میں ہیڈ سی بی آئی کا ای ڈی ہے میرے پاس
سارے مخالفوں کو پھنساؤں گا روک لو
مترو ہماری دلی میں نیتا رہیں گے بس
بارڈر سے کسانوں کو بھگاؤں گا روک لو
وہ مالیہ ہو چوکسی نیرو ہو یا للت
کھاؤں گا اور سب کو کھلاؤں گا روک لو
ذاتوں کے نام پر کبھی مذہب کے نام پر
الو پڑھے لکھوں کو بناؤں گا روک لو
گاؤں میں بھوک پیاس سے مرتے رہیں کسان
جاپان سے مشروم منگاؤں گا روک لو
عمران خاں کو دلی سے آنکھیں دکھاؤں گا
لاہور جاکے قورمہ کھاؤں گا روک لو
امن و اماں پسندوں کو ڈالوں گا جیل میں
دنگائیوں کو سر پہ بٹھاؤں گا روک لو
انکار جو کرے گا وہ جائے گا جیل میں
کالے کو میں سفید بتاؤں گا روک لو
Raziya bano
25-Sep-2022 07:46 PM
शानदार
Reply
Pratikhya Priyadarshini
25-Sep-2022 06:40 PM
Bahut khoob 💐 i
Reply
Gunjan Kamal
20-Sep-2022 11:29 PM
👏👌
Reply